Pages

Monday, May 10, 2010

ဆေးလိပ်ဖြတ်လိုက်တယ်၊ဆံပင်ဖြတ်လိုက်တယ်၊နောက်အနုပညာကိုပါယောင်ပြီး ဖျက်လိုက်မိတယ်။

သက်တောင့်သက်သာဖြစ်စေရန်ကဗျာစာအုပ်တစ်အုပ်ကိုကောက်လှန်နေလိုက်တယ်။ဝါကျများ၊လိုင်းများစီစဉ်ထားပုံ၊ကဗျာတွေရွေ့
လျားစီးစင်းသွားပုံ၊မျက်နှာဖုံးပန်းချီ၊LayOut ဒီဇိုင်း၊တန်ဖိုး၊ခေတ်ကို ကိုယ်စားပြု၏/မပြု၏ ။လန့်ပြီး ဖတ်လက်စ ကဗျာစာအုပ်ကိုပြန်ချထားလိုက်တယ်။မနေ့ကမပြောဖြစ်ခဲ့သမျှစာသားတွေကအခုဒီစာမျက်နှာမှာ
ကဗျာရေးတော့မှကဗျာလိုင်းတွေထဲအစီအစဉ်မကျခုန်ဝင်လာကြတယ်။လိုင်းတွေကျဲသွားတယ်။ရှေ့နောက်နေရာအစီအစဉ်
တွေပျက်ပြားသွားတယ်။စကားလုံးတွေရောနှောပျံ့နှံ့သွားတယ်။စိုးရိမ်စိတ်ဝင်ပြီး နားထဲမှာလည်း
ထပ်တလဲလဲပဲ့တင်ထပ်နေတော့တယ်။“ဆေးလိပ်ဖြတ်လိုက်တယ်၊ဆံပင်ဖြတ်လိုက်တယ်၊နောက်အနုပညာကိုပါ
ယောင်ပြီးတော့ ဖျက်လိုက်မိတယ်”။အစီအစဉ်အတိုင်းမဖြစ်မြောက်ပေမယ့်ဒီဝါကျတွေကိုရေးနေတဲ့ကဗျာထဲ
ရောထည့်လိုက်တယ်။ဆက်ပြီး အရေးအသား၊ ၀ါကျဖွဲ့ထုံး၊ ကံ၊ ကတ္တား၊ နာမ်၊ နာမ်မ၀ိသေသန၊ ကြိယာ၊ ကြိယာဝိသေသန၊ ပုဒ်ထီး၊ပုဒ်မတွေကိုလိုအပ်နေပေမယ့် ဒီကဗျာထဲမှာတော့ ချန်ရစ်ခဲ့တော့မယ်။လိုသလို
ဖြည့်စွက်ဖတ်ရှု့နိုင်သည်ဆိုတဲ့အကြောင်းကိုလည်းတစ်ခါတည်းပြောခဲ့လိုက်မယ်။“ လမ်း/လန်း ချင်းတူရင် လူချင်းတွေ့မှာပါ”
လူချင်းမတွေ့နိုင်ပေမယ့်လမ်းတွေရှိနေပါသေးတယ်။လန်းလို့ရသေးတယ်၊လန်းနေချင်သေးတယ်။သေချာပါတယ်၊မေ့မေ့ပျောက်
ပျောက်မဟုတ်တောင်Gtalk ထဲမှာတွေ့ဖူးသလိုလို၊VZO နဲ့စကားပြောဖူးတော့ သလိုလို၊Facebook
ထဲမှာသူငယ်ချင်းဖြစ်နေသလိုလို၊ မင်္ဂလာပါ၊Hello! ၊တွေ့ရတာဝမ်းသာပါတယ်၊နေကောင်းလား၊
Long time no see. ၊နူတ်ဆက်ပါတယ်၊ နောက်ထပ်တွေ့ကြတာပေါ့၊ကောင်းသောနေ့/ည
ဖြစ်ပါစေ Bye Bye :) စသဖြင့် စသဖြင့် အချက်အလက်စုံလင်စွာအပြင်ဖက်ထွက်ရပ်ပြီး လက်ကိုင်ဖုန်းပြောသလို ပြောနေမိတယ်။

ကျေနပ်နေတယ်မဟုတ်လား၊၀မ်းမြောက်နေတယ်မဟုတ်လား။ဒီနေ့၊မနက်ဖြန်၊နောင်လာမယ့်နှစ်ပေါင်းများစွာ
ဘယ်လိုပဲပြောပြော၊ဘယ်လိုပဲဆိုဆို မင်းက အင်ဂျင်နီယာကြီး၊ဘာဆေးသောက်သောက်၊ဘာဆေးပဲထိုးထိုး ဘာမှမတိုးတော့တဲ့မင်းကဆရာဝန်ကြီးဘ၀ထဲကို ခုန်ဝင်လာတဲ့စူပါဖရိုက်ဒေး ဆိုလား၊ဘာလား။ အဲဒီနေ့မှလာခဲ့ကွာ။တွေ့ကြတာပေါ့၊အခုတော့
နေရစ်တော့။စကားတွေအမျှင်မပြတ်တမ်းပြောရင်းစိတ်တွေလွင့်လွင့်လွတ်မြောက်နေတာလေ။မနက်ဖြန်ထပ်လာခဲ့ရဦးမှာလား၊နောက်တစ်နေ့ထပ်မံချိန်းဆိုရဦးမှာလား၊ထပ်မတွေ့တော့တာပဲကောင်းမှာလား၊အဖြေမရှိတော့တဲ့မေးခွန်းတွေချည်းပဲဆက်တိုက်
၊မောနေပြီလား။လွမ်းနေသေးလား။မဖြေပေမယ့်မေးခွန်းတွေပဲထပ်မေးနေမိတယ်။ဒီလောက်ဆို ဖတ်ရတာအဆင်ပိုပြေမှာလား။ အပေါ့၊အငန်၊ အစပ် အတွဲအဆက်၊ အနက်အဓပ္ပါယ် ချိတ်ဆက်မိရဲ့လား။ လူလုပ်လောကကြီးထဲ
ပါဝင်သက်ရောက်နိုင်မှုရှိ/
မရှိ။အဆင်မပြေတာရှိရင်လည်းပြင်ဆင်ဖတ်ရှု့လိုက်ကွာ။ကိုကြည်ဇော်အေးကဗျာထဲမှာ(၃၃)လမ်းဟာ ခေတ်မရှိတော့ဘူးတဲ့။
မြိတ်ပီတာစဘတ်ကိုရွေ့ပြောင်းသွားတဲ့ ကိုပိုင်ကလည်း“ငါတို့ကအထက်တန်းစားကဗျာဆရာတွေ မဟုတ်ခဲ့ဘူး” ဆိုပြီးငြင်းဆန်သွားဖူးတယ်။ထပ်ပြောခဲ့မယ် (၃၃)လမ်းဟာ လမ်းတိုလေးပါ၊(၃၃)လမ်းဟာ လမ်းဖြောင့်ကလေးပါ၊
(၃၃)လမ်းဟာ အခုခေတ်မရှိတော့ပါဘူး။

အခုရေးနေတဲ့ကဗျာ ဟာ ဆိုလိုရင်း / လိုရင်းရောက်မရောက်။ရည်ရွယ်ထားတဲ့သက်မှတ်ချက်ပြည့်မှီနိုင်/ ပြည့်မ မှီနိုင်။အစကနေ နောက်တစ်ခေါက်လောက် ရွတ်ပြနိုင်ရင်ပိုပြီးကောင်းမလား။မန်ချက်စတာ ယူနိုက်တက် အသင်း
ဒီနှစ်ကာလင်းဖလားလေးတစ်လုံးပဲပိုင်ဆိုင်နိုင်မှာကိုရိပ်စားမိပါရဲ့။အိပ်လို့မရသေးဘူး၊အ၀တ်မလျှော်ရသေးဘူး၊အဆောင်ဖိုးမပေး
ရသေးဘူး၊ချစ်သူမရှိသေးဘူး၊လိုင်းလည်းကျနေတယ်၊ဘိုင်လည်းကျနေတယ်။အနာဂတ်ဆိုတာတိမ်တွေရွေ့လျားပုံသဏ္ဍာန်ပြောင်းနေသလိုမျိုးလေ။မင်းရယ်မောသံလေးထဲကို စက်ဘီးလေးစီးဝင်၊သစ်ကိုင်းခြောက်လေးပစ်ထည့် ကစလို့
“လမ်းပေါ်ထွက်ရပ်လိုက်တာနဲ့ ငါလည်းလက်လုပ်လက်စားပဲ”ကဗျာတစ်စနဲ့ပဲကိုဖီလာကိုသတိရ၊
ကဗျာပတ်ဝန်းကျင်ထိန်းသိမ်းစောင့်ရှောက်ရေး၊ကဗျာယဉ်ကျေးမှုအဆင့်တိုးမြှင့်ပေးရေး၊မှတ်ပုံတင်ကြေးပေးသွင်းပြီးကဗျာဆရာပါတီထူထောင်ရေး၊ကဗျာဆရာများစည်းလုံးညီညွတ်ရေး၊ကဗျာဝါဒများတပြေးညီသက်မှတ်ရေး အစရှိသဖြင့် ကဗျာဟာအရှိန်အဟုန်နဲ့စီးဆင်းနေတုန်း
ညီလေးဒီညဘတ်(စ်)ကားခလေး/TAXI ဖိုးလေး မစခဲ့ပါဦးဆိုတာတွေ။
ကျေနပ်ပါတယ်၊စိတ်ထဲကသိကအောက်တော့ဖြစ်မိတယ်။ပါးရည်နပ်ရည်လူရည်လည်တဲ့ဆရာသမားလည်းနေရစ်ခဲ့တော့။ဒီမှာ
မုဆိုးကျော်ကြီးမြိုင်ရာဇာတွတ်ပီ“မရှောင်ရင်လွတ်တယ်”ဆိုတဲ့စကားတယ်မှန်ပါလားဗျ။ဒီလို ကျုံတိုင်းရွာတဲ့
မိုးဟာမစဲတမ်း ရွာနေတော့မှာလား။ကဗျာကိုဒီနေရာမှာတင်ရပ်တန့်လိုက်ဖို့ဆုံးဖြတ်မိတယ်။ဒီကဗျာဆုံးကာနီးတော့မှမေ့ကျန်နေရစ်တဲ့
အရသာရှိမှုလေးကို ကဗျာလိုရေးသားထားတဲ့ စာသားတွေ၊အရေးအသားတွေအပေါ်
အသာလေးကျဲချလိုက်တယ်။ဒီလိုဆိုပိုပြီး အဆင်ပြေမှာလား။ဒါမှမဟုတ်ဖတ်ပြီးတာနဲ့ပဲကဗျာကိုတစ်ခါတည်းဆုတ်ဖြဲပစ်လိုက်တာက
ပို၍ပို၍အဆင်ပြေစေမှာလား။ သင်္ကေတ၊နိမိတ်ပုံ၊၀ါဒ၊ဘာသာဗေဒတွေကိုအသုံးပြုပြီး ဖတ်လို့မကောင်းတဲ့ကဗျာကို ဒီစာမျက်နှာမှာတင်ခြေရာလက်ရာမပျက်အသေသတ်ပစ်လိုက်မယ်။ပြီးမှ Gtalk ထဲကနေ Sign Out လုပ်လိုက်သလို
ကဗျာဆရာဘ၀ထဲကနေ အခုပဲ Sign Out လုပ်ပြီးနူတ်ထွက်ခဲ့တော့မယ်။



အောင်ပိုင်စိုး
၁၂ ဧပရယ် ၂၀၁၀
(ကဗျာဆရာအောင်ပိုင်စိုး၏ကဗျာအားကူးယူဖော်ပြသည်)

မီမီ

အိပ်ယာက နိုးနိုးချင်း သတိရနေမိတယ်၊ သူ့ အက်ဆစ်ကန်ထဲ ယဇ်ကောင်လို ဘဝတစ်ခုလုံးလောင်ကျွမ်းပျက်စီးဖို့၊
သူ့ နှုတ်ခမ်းဖျား ဓားသံလျက်ပေါ်က စတော်ဘယ်ရီရနံ့လေးကို စုပ်ယူဖို့၊ သူ့ ချစ်ခြင်းမေတ္တာကို တားမြစ်ဆေးဝါးလို သွေးကြောထဲ ထိုးသွင်းဖို့၊ သစ္စာတရားကို ဖဲကြိုးအနီနဲ့ စည်းနှောင်ပြီး ဖေဖော်ဝါရီ ၁၄အရောက်ပို့ဆောင်ဖို့၊
တကယ်ဆို ဘဝက သိပ်ကိုတိုတောင်းလွန်းတယ်၊ အချိန်တွေက တိုတောင်းလွန်းတယ်၊ မသေချာတာတစ်ခုလောက်
ဘဝဟာ မသေချာ၊ မရေရာ၊ နောက်ကို ပြန်လှည့်ကြည့်လိုက်ရင် ရှုမျှော်ခင်းတွေလို ရိပ်ကနဲ ကျန်ရစ်ခဲ့မှာပဲ၊
တစ်ခါတစ်လေ သူ့သွေးခုန်နှုန်းတိုးတိုးလေးကလွဲရင် အရာရာဟာ မှောင်မိုက်တိတ်ဆိတ်လို့ပဲ၊ လူနှစ်ယောက်၊ နှလုံးသားချင်းဆက်အမြွှာ၊ အသက်တစ်ခုထဲ ဆက်နေတာ၊ သဘာဝ တောတောင်ရေမြေ နယ်နိမိတ်ချင်းထိစပ်နေတာ၊ တိတ်ဆိတ်လွန်းတော့ သိစိတ် အာရုံခံစားမှုကမ်းပါးတွေ အားလုံး တစ်ဝုန်းဝုန်း ပြိုကျနေတာ၊ သူ့သွေးကြောတွေထဲ ဆောက်တည်ရာမရ ပြေးလွှားနေမိတယ်၊ မကြားနိုင်ပေမယ့် သူ့နာမည်ကို အသံကုန်အော်ဟစ်နေမိတယ်၊
တကယ်ဆို ဘာကိုမှ အသေအချာမျှော်လင့်မထားဘူး၊ မျှော်လင့်ချက်ဟာ မျှော်လင့်ချက်ရှိမရှိ မသေချာသေးဘူး၊
ထိစမ်းမိသမျှ ဖြန်းကနဲ ပြိုကျသွားမယ့် ဖန်သားနံရံတွေ၊ မြက်ပင်လေးတစ်ပင် လှုပ်ခတ်ရုံနဲ့ ဝုန်းကနဲ အလန့်တကြားထပျံသွားမယ့် ငှက်တွေ၊ ငါရှာဖွေနေ၊ သွေးရူးသွေးတန်း တည်ဆောက်နေမိတယ်၊
သူ့အိပ်မက်တွေထဲ၊ အဓိပ္ပါယ်တစ်စုံတစ်ရာ၊ နက်ရှိုင်းသော၊ မှော်ရုံ၊ ဂီတ၊ ငါ့အတွက် သူ့ဘက်က နာမဝိသေသနတွေ၊ မီးလောင်နေတဲ့ စာသားတွေ၊ ဆွံအ၊ တိတ်ဆိတ်နေတယ်၊ ပြေးလွှား၊ ဆူညံအော်ဟစ်နေတယ်၊
သူ့ရယ်သံလေးကို သူမသိအောင် ခိုးယူနေမိတယ်၊ သူ့မျက်ဝန်းတွေထဲ တိတ်တိတ်ကလေး ခုန်ဝင်နေမိတယ်၊ သူ့အပျော်အမောထဲ စမ်းချောင်းလေးလို စီးဝင်နေမိတယ်၊ သူ့ရှေ့ မှာ ဘဝတစ်ခုလုံး ထစ်အနေတဲ့ တိပ်သားတစ်စပမာ၊ နှလုံးသားတစ်ခုလုံး အစွယ်ကျိုး ခြေဝတ်ပုဆိုးပမာ၊ ငါ့သစ္စာတရားကို ပဝါစိမ်းလို ရင်ညွှန့်မှာစည်းထားပါ၊
သနပ်ခါးထူထူလိမ်းပြီး ငါ့စိတ္တဇကို ခေါင်ရမ်းပန်းလို ပန်ဆင်ပါ၊ ငါ့နှလုံးသားမြို့ရွာတစ်ခုလုံး အနာအဖျားကင်းအောင် စောင့်ရှောက်ပါ၊ အဲဒီလို ငါ့ကိုယ်ငါအော်ခေါ်ပေမယ့် ငါ့အသံငါမကြားရဘူး၊ ငါ့စိတ္တဇကို ငါမမြင်နိုင်ဘူး၊
သူ့ရဲ့  ဖြူစင်သော၊ မာယာ၊ သူ့အ၀ိဇ္ဇာနဲ့ နေ့တွေ၊ ဝေဝါး၊ ချိုမြိန်နေ၊ နာကျင်နေတာ။ ။



ဘုန်းနေသွန်း
(ကဗျာဆရာဘုန်းနေသွန်း၏ ကဗျာအားကူးယူဖော်ပြသည်)

ကျောင်းတွေပြန်ဖွင့်ကုန်ပြီ အေးမိစံ

ကျွန်မပြန်လာခဲ့မယ်ပြောပြီး
သူရောက်မလာတော့
ငါအရမ်းစိတ်ပူနေတယ်ကွာ. . .
မူလတန်းကျောင်းလေးနဲ့ ကလေးတွေက
ညှိုးငယ်စွာဖြင့်
ခေါင်းလောင်းထိုးသံလေးကို ရပ်စောင့်နေကြလေရဲ့ . . .

ဟေ့ရောင်
နာဂစ်ဆိုတာ
အစွန်းရောက်အနက်ရောင်ကုန်သည်ကြီးတစ်ဦးပဲ
မင့်ကောင်မလေး ဌေးယဉ်လည်းပါသွားတယ်
ငါ့ကျောင်းဆရာမလေးနဲ့ သူ့ညီမဝမ်းကွဲလေးလည်း
လိုက်ပါသွားတယ်
ငါတို့ အဒေါ်၊အစ်မ၊ညီလေးတွေနဲ့
သူငယ်ချင်း အသိမိတ်ဆွေတွေကိုလည်း
အဲဒီကုန်သည်ကြီးက
တသီကြီး ဆွဲခေါ်သွားလေရဲ့ . . .

ကျော်သူ
ငါတို့ရဲ့ အိမ်ခေါင်းရင်းက
ကုက္ကိုပင်ပျိုလေးရော လဲသွားသေးလား
အခု ငါ့ရဲ့ဆံပင်တွေကနေ
မီးခိုးတွေ အရမ်းထွက်နေတယ်
သူသိထားတဲ့ ကျေးဇူးတရားတွေက
သူပြန်သန်းမယ့် အတောင်ပံတွေကို
ရေဆွတ်ပေးလိုက်တာလေ
သူပြောပြောနေတဲ့
ငါ့ရဲ့ရည်းစားဦးဟာ သူဖြစ်ပြီး
သူ့ရဲ့နောက်ဆုံးအချစ်က ငါဆိုတာလေ
စိတ်ချ နင့်ကိုငါဘယ်တော့မှ မမေ့ပါဘူးအေးမိစံ
ဘယ်တော့မှမမေ့ပါဘူး

နွေးနွေးဘာလေးမွေးတယ်ဆိုတာလဲ
သူ မသိသွားရှာဘူး
(သူပြန်လာမယ်ပေါ့)
ခေါင်းတလားနဲ့တူတဲ့ မော်တော်ဘုတ်ထဲ မဆင်းမီ
ငါးရက်အလိုလောက်က
ဖုန်းထဲမှာ ပြောသွားတဲ့
ငါ့ကို ပြောစရာစကားတွေ ရှိသေးတယ်ဆိုတာ
ဘာလဲ မသိဘူးကွာ
ဝဋ်ကြွေးပြေဘုရားဆီ
ငါ နောက်တစ်ခေါက်သွားတော့လည်း
နေညိုချိန်ထိ သူရောက်မလာခဲ့ဘူးလေ
ငါ့ရဲ့တစ်သက်
အဲဒီဘုရားမြေဟာ
ဘဝရဲ့လွမ်းစရာ အကောင်းဆုံး ဇုံပေပဲ
သူ့အပေါ်ထားတဲ့ ငါ၏ ချစ်ခြင်းများဖြင့်
သူမတစ်ယောက် ကောင်းရာ သုဂတိလားပါစေ. . .

ပိတောက်တွေ တစ်ကျော့ပြန်ပွင့်လို့
“ ဆရာမလေးကော” လို့မေးလာရင်
ငါဘယ်လိုပြန်ဖြေရမလဲ. . .ကျော်သူ
ငါအရမ်းလွမ်းတယ်ကွာ
လာမယ့် ဆောင်းဦးပေါက်
ကောက်ရိတ်သိမ်းပွဲတော်အပြီင်္း
တို့နှစ်ဦး မင်္ဂလာပွဲကို
သူတကယ် မတက်ရောက်နိုင်တော့ဘူးပေါ့
မတက်ရောက်နိုင်တော့ဘူးပေါ့. . .

“ဒါဝင်” ကို သတိရရင်တောင်
ဝက်စမင်စတာ ဘုရားကျောင်းထဲက
သူ့အုတ်ဂူဆီ သွားလို့ရတယ်
မော်ဒယ် “အန်နာနစ်ကိုလ်စမစ် ” ကို လွမ်းတဲ့အခါလည်း
ဘဟားမားကျွန်းပေါ်က
သူမရဲ့အုတ်ဂူလေးဆီ သွားလို့ရတယ်
အခု သူ့ကိုငါ လွမ်းနေပြီလေ
ဘယ်မလဲ သူမရဲ့ အုတ်ဂူ
ဘယ်မလဲ သူမရဲ့ အရိုးအိုး
ငါ မတရားမပြောပါဘူး
တို့နှစ်ယောက် ပြီးမှသာ
ရှိတ်စပီးယားပြဇာတ်ထဲက
ကောင်လေးနဲ့ ကောင်မလေးက
ဒုတိယ ကံအဆိုးဆုံးပါ
ကျော်သူ .....
ပွတ်ရှကင်တော့
နောက်ထပ် သေနတ်မှန် ခံရပြန်ပြီ. . .။

သူရနီ

ဆိုဖီယာ

ကျွန်မဆီလာတဲ့အခါ

ရှင့်ခေါင်းထဲမှာ တစ်လက်လက်တောက်ပနေတဲ့ အတွေးအခေါ်တစ်ခု

ဒါမှမဟုတ် ထိလိုက်တာနဲ့ ငြိသွားမယ့် ဓားမြှောင်တစ်ချောင်း

ရှိဖို့ လိုလိမ့်မယ်

ကျွန်မ သဘောမကျရင်

ကျွန်မ ဆိုးထားတဲ့ နှုတ်ခမ်းနီမှာ ဆိုင်ယာနိုက်အဆိပ်ရှိတယ်

ကျွန်မ စိတ်လိုလက်ရရှိရင်

ရယ်မောနေတဲ့ ကျွန်မကိုယ်ပေါ်မှာ ကမ္ဘာသစ်တစ်ခုကို ရှင်တွေ့မယ်

ကျွန်မ မကြိုက်တာ ရှင်တို့ယောက်ျားတွေက

စိတ်ထဲရှိတဲ့ အကြိတ်အခဲမှန်သမျှ

လူရှေ့ သူရှေ့ မရှောင်ထုတ်ပြတတ်တဲ့

ဖောက်ခွဲရေးသမားတွေ ဖြစ်နေတာပဲ

အခုကိုပဲ ရှင်ဟာ မျက်လုံးနဲ့

ကျွန်မကိုယ်ပေါ်က အ၀တ်တွေကို တစ်လွှာချင်း ဆွဲဖြဲပြီး

ကျွန်မခန္ဓာကိုယ်ကို တစ်စခြင်း စုပ်ယူနေပြီလေ

တကယ်တော့ ကျွန်မတို့ရွေးရမှာ နှစ်ခုထဲက တစ်ခု

ကျေးဇူးပြုပြီး ကျွန်မ ကံကြမ္မာနဲ့ ကျွန်မရွာအကြောင်းမပြောပါနဲ့

ကျွန်မဆံပင်တွေ စိမ်းချင်စိမ်း ပြာချင်ပြာမယ်

ကျွန်မ ပါးပေါ်ကမှဲ့ နီချင်နီ နက်ချင်နက်မယ်

တစ်ခုပဲ

ကျွန်မဆီလာတဲ့အခါ အခန်းတံခါးကိုဖြည်းဖြည်းပိတ်ဖို့ မမေ့ပါနဲ့

ကျေးဇူးပြုပြီး မီးခြစ်ကလေး လှမ်းလိုက်စမ်းပါ

ကျွန်မနာမည် ဆိုဖီယာ . . .။ ။

အေးမင်းစော

ပန်းအလင်္ကာ၊ မေ၊ ၂၀၁၀

Tuesday, February 23, 2010

ကိုယ့်လူနဲ့ကိုယ်နဲ့တော့အခက်

ခုန်ပေါက်ပြေးလွှားမနားမနေ ။ အရေရောအဖတ်ပါရပါတယ်ဆိုပြီး
ဆွဲဆုတ်လိုက်တော့လည်း တွန့်ကြေသွားတာပဲ
ဖြတ်ချလိုက်တော့လည်း မျက်စိသူငယ်နားသူငယ်
ဟိုမှာ သူအကွက်ရွှေ့လိုက်ပုံက
သူဇယားခင်းလိုက်ပုံက
တစ်ကောင်ထိုးကြွေးပြီး တစ်ဝိုင်းလုံးကိုကြိတ်ဝါးနေတာ
အထစ်။ ထစ်အ။ လာရှင်းပြမနေနဲ့။ လက်ညှိုးတွေဟိုထိုးဒီထိုး။
သွေးရိုးလား။ သားရိုးလား။ ရိုးသားကြိုစားလား။
အကြွင်းအကျန်တွေ ဟိုပစ်ဒီပစ်။
စာရိတ္တမောင်ဆိုပြီး ၀ယ်ဝယ်စားနေတာ
အကာအကွယ်နဲ့လား။ အသားချင်းထိမှ မီးပွင့်တာလား
ဘယ်ရနံ့ကို ကြိုက်နှစ်သက်ပါသလဲ
မေးခွန်းကို မြွေတစ်ကောင်လိုလျှောထွက်သွားပုံက
ဒီညလည်း အကြောပေါင်းတစ်ထောင်
မသိအောင်ဖွင့်ပြမယ်ဆိုတဲ့အထာနဲ့
ကိုယ့်လူတော့ခက်ပြီ။ အလကားနေအလကား
အချင်းချင်းလည်း အထာမထား။
ကိုယ့်လူတော့ခက်ပြီ။ အလကားနေအလကား
သော့တွဲကြီးတကားကား။
ကိုယ့်လူတော့ခက်ပြီ။ အလကားနေအလကား
ရင်တုန် ပန်းတုန် တစ်ကိုယ်လုံး တုန်ရီပြနေတော့
ဖြည်ချလိုက်ရတော့မှာလား
ကိုယ့်အနေအထားအရပြောကြည့်တာပါ ။

သက်ငြိမ်သစ်

နီဝါ

မျက်ဝန်းတစ်စုံဆီက စိမ့်ထွက်လာတဲ့
တိမ်သားမျှင်လေးတွေနဲ့စတင်တယ် ။

ဇာတ်လမ်းက
နောက်ကျောမှာထောက်ထားတဲ့
သတ္တုနှုတ်ခမ်းကို သိုဝှက်လို့

တစ်ဆောင်းလုံး
သွေးကြောပေါ် တယောဘိုလ်းကိုတင်
ဆိုညည်းခဲ့သမျှ
သူစိမ်းပြင်ပြင်နွေဦးကိုတွေ့လိုက်ရ

အခု
ရာသီဥတုတွေသံစုံမြည်တယ်
သွေးအားမကောင်းတဲ့အနမ်းတွေဟာ
ဲ့ဖေဖေါ်ဝါရီရဲ့
ရင်အုံကို ထိုးခွဲလို့ ။

သက်ငြိမ်သစ်
ချစ်သူများနေ့အမှတ်တရ

နံရံစိမ်းစိမ်း

ကျောမှီလိုက်တယ်
သူ့နာကျင်မှုဆီမီးမကူးမီ ခေါင်းကိုမော့လိုက်တယ်
လက်နှစ်ဘက်ကိုကျစ်ကျစ်ပါအောင် ဆုပ်လိုက်တယ်
သံဇကာကွက်တွေထဲ တအိအိကျွံဝင်နေတဲ့အရိပ်
သူ့ခြေထောက်တွေကို ကြမ်းခင်းအောက် လျှိုသွင်းလိုက်တယ်
သူ့အကြည့်ကို လိုက်ကာစတွေဆီ ဖြတ်ကူးလိုက်တဲ့အခါ
သွေးဆူလွယ်တဲ့ အသံလှိုင်းတွေဟာ ယိမ်းထိုးလို့
ဒီအတိုင်းထားလို့မရတော့ဘူး
ကြာလာရင် တစ်ခုခုဟာ တဖောင်းဖောင်းထကွဲတော့မှာ
အခုလိုမျိုး ဆွဲဆန့်ထားတဲ့အခြေအနေကို
ပိတ်ပစ်ဖို့သက်သက်
သူ့ဇီဝကို ရေဆိုးမြောင်းထဲပစ်ချလိုက်ရမလား
ကြာလာရင် တစ်ခုခုဟာ တဖောင်းဖောင်းထကွဲတော့မှာလို့
နောက်ထပ်မြည်လာတဲ့ ယဉ်ယဉ်ကျေးကျေးစကားတစ်ခွန်းနဲ့
မှန်တွေဟာ တွန့်လိမ်နေတဲ့မျက်လုံးတွေကို
အတိအကျလှောင်ပြောင်နေသလို
သူ့အာရုံကို အသားကြိတ်စက်ထဲမှာ မှုန့်နေအောင်ကြိတ်နေသလိုမျိုး
မဖြစ်သေးဘူးလို့ တားထားကြိုးတွေ
နောက်တစ်ခါ ဒီနံရံဆီကိုရောက်ရင်
နောက်တစ်ခါ နံရံအပြည့်ပိုစတာတွေကပ်ဖို့
ကျောမှီလိုက်တယ်
သူ့နာကျင်မှုဆီမီး မီးမကူးမီခေါင်းကိုမော့လိုက်တယ် ။

သက်ငြိမ်သစ်
ရတီမဂ္ဂဇင်း 2009၊နိုဝင်ဘာလ